De niege Woch geiht wedder los,…

27 08 2012

…und uns‘ Eric treckt siene rosa Steiwels wedder an und danzt un danzt un danzt mit sien Hund up dat schööön Parkett. He hett sich den Schlödel för den DanzSaal wedder von’n HusMeister holt und trainiert ganz alleen, dat kein’ein taukieken kann*grins*


Un watt wier dat för’n WeekenEnd, wi hem Musik up’n Griepswolder Markt hatt, ChorLüüd ut Hamburg, HedwigHolzbein, Neddersassen, Meckelborg und Pommern hebben dor sungen, deels ganz schön oewer deels ok, datt de Fleigen doot vonner Wand follen deiden. Un wi, mien BlinkfüerFru un ick hebben uns twei Stunn‘ afknäpen för ein korten Besäuk in Lubmin an’n Strand. Un in uns‘ Nahwer-Hansestadt hebben se an’t SünnBläumkersHus in Lichtenhagen de Nazis orntlich den Marsch blaast. Dat wier richtich bunt statt braun un de Lüüd hebben vääl Spaß hatt. Dortau möt ick oewer ook seggen, datt damols de Lüüd vun Lichtenhagen mit de Problems alleen laten wur’n sünd. De hebben damols taukieken möten, wie ümmer miehr Lüüd in de Hüüser intreckt sünd, und ümmer miehr Lüüd un ümmer miehr de nich miehr in de Hüüser passten un up den Hoff kampieren mößten. De Anwohners is dann mol de Kragen platzt und de Saak hett een EigenDynamik annohmen, de de Anwohners, de Behörden un de Polizei all glieks oewerfordert hett. Een fun’n Fräten för de niegen Nazis un de ollen Nazis, de to Hoop ut ganz Düütschland dor henführt sünd und de Randale anstifft hebben. Dat wiern nich nur de Lichtenhägners un de Rostockers. Un de hebben ne Entwicklung dörchmokt, de sünd wachsamer wuur’n de passen nu up wie an vääle anner Stellen in’t Land un dat is gaud so, leiwe Lüüd. Un so wünsch ick Juch ne fiene Sommer-Woch.